VELKOMIN Í MENNINGARHÚSIÐ MIÐGARÐ Í SKAGAFIRÐI

Menningarhúsið Miðgarður var opnað formlega með veglegri opnunarhátíð í byrjun Sæluviku árið 2009. Þetta fornfræga félagsheimili hefur tekið stakkaskiptum og er aðstaða hússins nú öll hin glæsilegasta. Meginhlutverk Menningarhússins Miðgarðs er að vera vettvangur tónlistarflutnings, leiksýninga eða annarra mannfagnaða. Að auki er húsið kjörið fyrir ráðstefnu- og fundarhald en þráðlaus nettenging er alls staðar í húsinu. Í húsinu eru tveir salir, aðalsalur á neðri hæð þar sem er stórt svið og góður skjávarpi ásamt glæsilegu ljósa- og hljóðkerfi. Á efri hæð er einnig salur ásamt glerhýsi þar sem er frábært útsýni yfir fjörðinn. Efri hæðin er tilvalin fyrir ýmis einkasamkvæmi eða minni fundi. Þar einnig sýning tileinkuð skagfirska stórsöngvaranum Stefáni Íslandi.