Fréttir

SÖNGVAR ÚR NORÐRI & SUÐRI Sunnudaginn 5. október næstkomandi munu Kristinn Sigmundsson, Helga Rós Indriðadóttir og Kolbeinn Jón Ketilsson halda tónleika í Menningarhúsinu Miðgarði í Skagafirði. Með þeim á píanó leikur Matthildur Anna Gísladóttir. Á efnisskránni verða íslensk og erlend sönglög og dúettar úr ýmsum áttum eftir Sigvalda Kaldalóns, Eyþór Stefánsson, Franz Schubert, Francesco Paolo Tosti, Franz Lehár og fleiri. Miðasala verður við innganginn og miðaverð er 4.900 kr.

Styrktartónleikar fóru fram 7.sept 2025 - einvalalið Skagfirðinga kom fram á tónleikunum ásamt Birgi Karli föður Bryndísar Klöru heitinnar. Skagfirðingar skiluðu 1,2 milljón frá styrktartónleikum í Miðgarði, Skagafirði til uppbyggingar Bryndísarhlíð. Minningarsjóður Bryndísar Klöru var stofnaður til að heiðra og varðveita minningu Bryndísar Klöru Birgisdóttur sem lést í kjölfar hnífaárásar á menningarnótt í Reykjavík í ágúst 2024. Bryndís Klara var yndisleg stelpa, frábær vinkona og heittelskuð af foreldrum sínum, litlu systur og öllum ættingjum hennar. Minningarsjóður Bryndísar Klöru var stofnaður í september 2024. Sjóðurinn mun ein­beita sér að fræðslu, rann­sókn­um og vit­und­ar­vakn­ingu og styðja við verk­efni sem miða að því að vernda börn gegn of­beldi og efla sam­fé­lag þar sem sam­kennd og sam­vinna eru í for­grunni. Eitt af aðalverkefnum sjóðsins eru kaup á griðastað fyrir ungt fólk sem mun hljóta nafnið Bryndísarhlíð og verður í framhaldinu haldið úti af íslenska ríkinu.

Opið hús í Sæluviku á efri hæðinni í Menningarhúsinu Miðgarði föstudaginn 2.maí milli kl 14-18. Veitingar til sölu, kaffi og eitthvað gott með, að hætti hússins. Setjumst niður í Stefánsstofu og njótum okkar fallega útsýnis um fjörðinn fagra. Verið hjartanlega velkomin.