Fréttir

Vorvindar - vor, sumar og rómantík er yfirskrift vortónleika Skagfirska Kammerkórsins sem verða haldnir í Menningarhúsinu Miðgarði í kvöld, sumardaginn fyrsta. Söngurinn hefst kl: 20.30 en húsið opnar kl: 20.00. Kammerkórinn ætlar að syngja okkur inn í sumarið og bjóða upp á kaffi og pönnukökur eftir tónleika. Vakin er athygli á því að ekki er tekið við kortum. Gleðilegt sumar!

Þá er fyrsti dagur Þorra, bóndadagur genginn í garð. Við óskum því öllum bændum til hamingju með daginn. Í Menningarhúsinu Miðgarði verða sem fyrr haldin þrenn þorrablót, þorrablót Skarðshrepps, þorrablót Seyluhrepps og sameiginlegt þorrablót Lýtingsstaðarhrepps, Akrahrepps og Staðarhrepps. Sveitungar og gestir munu því blóta þorra og gleðjast hér í Miðgarði næstu helgar með drekkhlöðnum trogum af alls kyns súrmeti og tilheyrandi. Gleðilegan þorra!